Interessanter Forschungsbericht.
Grüße von Breiflabb
Forskar frikjenner turistar for overfiske
- Turistfisket er ikkje årsak til den dårlege situasjonen for den norske kysttorsken. Påstanden kjem frå ein forskar ved Havforskingsinstituttet.
Skrevet av: Karl-Petter Løvoll (torsdag, 06.oktober 2005 00:10)
Det var under eit seminar om kultur og reiseliv på Ulstein hotell i går at Kjell Nedreaas, forskingsleiar ved Havforskingsinstituttet, kom med påstanden. Nedreaas kunne mellom anna leggje fram nokre av utrekningane frå ein rapport som bli gjort kjent i dag. Det er Reiselivsbedriftenes Landsforening som har bestilt rapporten frå konsulentfirmaet Essens Management. I samråd med Havforskingsinstituttet har ein rekna ut at turistfisket står for under 5 prosent av det totale fisket av kysttorsk. Fritidsfisket står for 20 prosent, medan yrkesfiskarane står for 75 prosent. Faktisk kan andelen turistfiske vere lågare enn 5 prosent. Om reknar utifrå ei undersøking frå Transportøkonomisk Institutt blir andelen kysttorsk fiska av turistar berre rundt to prosent.
Låg gytebestand
Med dei nye utrekningane finn ikkje Nedreaas grunn til å skulde turistfiske for magre år i torskebestanden. For magert er det. Fiske av kysttorsk er blitt redusert frå 80.000 tonn på midten av 1980-talet til rundt 30.000 tonn i 2004. Og dei siste åra er kysttorsken si evne til reproduksjon blitt kraftig redusert. Forskaren viste til at gytebestanden er kome langt under det nivå han bør liggje på - rundt 100.000 tonn i året.
- Gytebestanden ligg på ein tredjedel av det han bør vere, fortalde Nedreaas.
Tala er så urovekkjande at Det internasjonale råd for havforsking (ICES) har tilrådd at det ikkje vert fanga norsk kysttorsk i 2006. Havforskingsinstituttet vil ikkje gå for stopp i fisket heile året, men Nedreaas er samd i ei avgrensing av fisket.
- Vi går inn for områderegulering og periodisering. Vi vil flytte fisket lenger ut frå land og leggje fisket av kysttorsk til dei to første kvartala i året, seier forskaren, som ynskjer seg ein gjenoppbyggingsplan for kysttorsken.
- Fisk sei
Og Nedreaas meiner at det ikkje berre er fiskarane som skal bidra i dette arbeidet. Reiselivsbedrifter kan også gjere meir for å sikre bestanden av kysttorsk.
- Det finst mange andre artar turistane kan fiske enn kysttorsken. Fangsstatistikk viser at det i 2004 vart fiska på rundt 90 artar fisk, skaldyr og skjel på til saman 2,5 millionar tonn. I staden for å fiske torsk kan vi oppmode turistane til å fiske sei, tilrår forskaren. Han meiner reiselivsbedriftene bør ha eit system for fangstrapportering av turistfisket.
- RBL er allereie i gang med registrering, og det er eg positivt overraska over, sa Nedreaas, som meinte meir kunnskap om fisket langs kysten ville virke konfliktdempande i debatten om turistfisket.
Vil merke fisken
Elles hadde Nedreaas også nokre meir spenstige framlegg til korleis ein skulle få opp torskebestanden. Han tok til orde for merking av fisken. Nedreaas meiner ein bør fange fisken, merke og drive oppdrett på han, og til slutt å sleppe han ut igjen i sjøen.
- Ein kan då for eksempel utlove dusør til turistar som får ein merka fisk. Det kan gje oss kunnskap om ressurssituasjonen, medan vi kan gje dei kunnskap og forståing om fisken si vandring, seier Nedreaas, som la til at instituttet allereie har prøvd ut eit slikt prosjekt med hell. Til slutt oppmoda han også reiselivet om samarbeid med kystfiskarane når det gjeld fordeling av denne viktige ressursen i havet.
- Samarbeid vil gje levande kystsamfunn og aktive kystfiskarar. Og det vil tiltrekkje seg turistar, sa Kjell Nedreaas.
Grüße von Breiflabb
Forskar frikjenner turistar for overfiske
- Turistfisket er ikkje årsak til den dårlege situasjonen for den norske kysttorsken. Påstanden kjem frå ein forskar ved Havforskingsinstituttet.
Skrevet av: Karl-Petter Løvoll (torsdag, 06.oktober 2005 00:10)
Det var under eit seminar om kultur og reiseliv på Ulstein hotell i går at Kjell Nedreaas, forskingsleiar ved Havforskingsinstituttet, kom med påstanden. Nedreaas kunne mellom anna leggje fram nokre av utrekningane frå ein rapport som bli gjort kjent i dag. Det er Reiselivsbedriftenes Landsforening som har bestilt rapporten frå konsulentfirmaet Essens Management. I samråd med Havforskingsinstituttet har ein rekna ut at turistfisket står for under 5 prosent av det totale fisket av kysttorsk. Fritidsfisket står for 20 prosent, medan yrkesfiskarane står for 75 prosent. Faktisk kan andelen turistfiske vere lågare enn 5 prosent. Om reknar utifrå ei undersøking frå Transportøkonomisk Institutt blir andelen kysttorsk fiska av turistar berre rundt to prosent.
Låg gytebestand
Med dei nye utrekningane finn ikkje Nedreaas grunn til å skulde turistfiske for magre år i torskebestanden. For magert er det. Fiske av kysttorsk er blitt redusert frå 80.000 tonn på midten av 1980-talet til rundt 30.000 tonn i 2004. Og dei siste åra er kysttorsken si evne til reproduksjon blitt kraftig redusert. Forskaren viste til at gytebestanden er kome langt under det nivå han bør liggje på - rundt 100.000 tonn i året.
- Gytebestanden ligg på ein tredjedel av det han bør vere, fortalde Nedreaas.
Tala er så urovekkjande at Det internasjonale råd for havforsking (ICES) har tilrådd at det ikkje vert fanga norsk kysttorsk i 2006. Havforskingsinstituttet vil ikkje gå for stopp i fisket heile året, men Nedreaas er samd i ei avgrensing av fisket.
- Vi går inn for områderegulering og periodisering. Vi vil flytte fisket lenger ut frå land og leggje fisket av kysttorsk til dei to første kvartala i året, seier forskaren, som ynskjer seg ein gjenoppbyggingsplan for kysttorsken.
- Fisk sei
Og Nedreaas meiner at det ikkje berre er fiskarane som skal bidra i dette arbeidet. Reiselivsbedrifter kan også gjere meir for å sikre bestanden av kysttorsk.
- Det finst mange andre artar turistane kan fiske enn kysttorsken. Fangsstatistikk viser at det i 2004 vart fiska på rundt 90 artar fisk, skaldyr og skjel på til saman 2,5 millionar tonn. I staden for å fiske torsk kan vi oppmode turistane til å fiske sei, tilrår forskaren. Han meiner reiselivsbedriftene bør ha eit system for fangstrapportering av turistfisket.
- RBL er allereie i gang med registrering, og det er eg positivt overraska over, sa Nedreaas, som meinte meir kunnskap om fisket langs kysten ville virke konfliktdempande i debatten om turistfisket.
Vil merke fisken
Elles hadde Nedreaas også nokre meir spenstige framlegg til korleis ein skulle få opp torskebestanden. Han tok til orde for merking av fisken. Nedreaas meiner ein bør fange fisken, merke og drive oppdrett på han, og til slutt å sleppe han ut igjen i sjøen.
- Ein kan då for eksempel utlove dusør til turistar som får ein merka fisk. Det kan gje oss kunnskap om ressurssituasjonen, medan vi kan gje dei kunnskap og forståing om fisken si vandring, seier Nedreaas, som la til at instituttet allereie har prøvd ut eit slikt prosjekt med hell. Til slutt oppmoda han også reiselivet om samarbeid med kystfiskarane når det gjeld fordeling av denne viktige ressursen i havet.
- Samarbeid vil gje levande kystsamfunn og aktive kystfiskarar. Og det vil tiltrekkje seg turistar, sa Kjell Nedreaas.